Era Joenessa d’Esquerra Republicana volem exprimir era nòsta satisfaccion pera aprobacion dera nauèra lei de regim especiau d’Aran. Ei ua lei que dòte de major autogovèrn eth país occitan estacat administratiuaments en Catalonha dempús deth 1313.
Eth nau tèxte ei ua reafirmacion clara der autogovèrn d’Aran, mejançant eth Conselh Generau, deth quau n’agranís es competéncies. Eth redigit tanben reafirme Aran coma ua realitat nacionau occitana, dotada d'identitat culturau, istorica, geografica e lingüistica. Dera madeisha manèra, ne protegís eth caractèr pròpri e es sòns drets istorics, e tanben eth poder de decision per çò que tanh ara estructura institucionau e territoriau deth país, en tot mantier-ne es sies terçons. Tanben definís, de nau, eth drapèu, er escut, era hèsta nacionau e l’imne. Per çò que tanh ara lengua, n’establís er usatge preferent ena administracion. Aguesta lei represente…